Putinin yaxın adamını qəbiristanlıqda kimlər partlatmaq istədilər?

18 noyabr 2025 375 baxış

Rusiya Təhlükəsizlik Şurasının katibi Sergey Şoyquya qarşı terror cəhdinin qarşısı alınıb. Bu barədə Rusiya mediası məlumat yayıb.

S.Şoyqu uzun illər Fövqəladə Hallar Nazirliyinin rəhbəri vəzifəsində çalışıb və Rusiyanın müdafiə naziri olub.

2024-cü ilin mayında Rusiya Prezidenti Vladimir Putin onu Müdafiə Nazirliyinin rəhbəri vəzifəsindən azad edərək Təhlükəsizlik Şurasının katibi təyin edib.

"Gazeta.ru" xəbər verir ki, noyabrın 13-də Federal Təhlükəsizlik Xidməti Troekurovski qəbiristanlığında Ukrayna xüsusi xidmət orqanlarının Rusiyanın ən yüksəkrütbəli məmurlarından birinə planlaşdırdığı terror aktının qarşısını alıb.

Sui-qəsd cəhdini həyata keçirmək üçün qeyri-qanuni mühacir və əvvəllər məhkum olunmuş iki narkoman mükafat müqabilində terror planına cəlb olunub. İşə götürən şəxs missiyanı tamamlamaq müqabilində sonuncuya narkotik vəd edib. Hər üç diversant saxlanılıb. Onlar Sergey Şoyqunu partlatmaq istəyiblər.

#Sergey Şoyqu