Qalstanyanın evindən nələr çıxdı? | Ermənistanda elə ara qarışıb ki...

Ermənistanın arxiyepiskopu Baqrat Qalstanyan evində aparılan axtarışdan sonra polisin müşayiəti ilə bölməyə aparılıb.

Qara maskalılar heç kimin Baqrata yaxınlaşmasına imkan verməyib.

Deputat Artur Sarkisyan da eyni vəziyyətdə olduğu üçün bu sözləri deyib: “Bu gün nə əmr etsələr, onu edirsiniz. Bəs sabah uşaqlarınıza nə deyəcəksiniz?”.

Qeyd edək ki, Baqrat Qalstanyanın həbsi ilə əlaqədar məhkəməyə vəsatət göndərilib. Axtarışlardan sonra onun evindən müəyyən sənədlər çıxarılıb. “Müqəddəs Mübarizə” hərəkatı Ermənistanda çevriliş cəhdinin mənbəyi sayılır.

Ermənistan mediasında siyasi repressiya adlandırılan tədbirlər çərçivəsində biznesmen Tiqran Qalstyan da tutulub.

Həmçinin polkovnik Miqran Mahsudyan saxlanılıb. Bununla bağlı onun oğlu məlumat verib.

Ermənistanın Milli Təhlükəsizlik Xidməti Sünikin sabiq qubernatoru, deputat Vaqe Akopyan və onun həyat yoldaşı Elizabet Petrosyanın evində axtarış aparıb. Hər ikisinin mobil telefonu yoxlama üçün müsadirə edilib.

Qeyd edək ki, Elizabet Petrosyan Para TV-nin direktorudur.