Qara və yaşıl çay arasındakı əsas fərq

Yaşıl çay yarpaqları qısa fermentasiya prosesindən keçir və bu da daha çox faydalı maddənin saxlanmasına səbəb olur. Lakin çay daha uzun müddət emal olunur ki, bu da müxtəlif dadlar yaradır.

Bu barədə rusiyalı professor Marina Moyseyak mediaya müsahibəsində danışıb.

Onun sözlərinə görə, qara və yaşıl çayın eyni bitki növündən istehsal olunmasına baxmayaraq, içkilər dadı, ətri və orqanizmə təsiri baxımından fərqlənir.

"Yüngül fermentləşdirilmiş yaşıl çayla fermentləşdirilmiş qara çay arasında fərq qoyulur. Qara çay yarpaqlarının oksidləşmə səviyyəsi 80%-ə çata bilər, yüngül fermentasiya isə 3%-dən 12%-ə qədər oksidləşməni əhatə edir", – deyə Marina Moyseyak izah edib.

Ekspert qeyd edib ki, yarpaqlarının emalının daha aşağı dərəcəsi yaşıl çayın antioksidant xüsusiyyətlərinin qorunmasına imkan verir, buna görə də içkini bəzən "canlı" adlandırırlar.

"Qara çay dərin fermentasiya olunur və kifayət qədər yüksək temperaturda qurudulur. Bu onun qida dəyərini azaltmır, çünki bu zaman yeni və maraqlı dadlar yaranır, tonik maddələr isə müxtəlif birləşmələrlə təmsil olunur", – deyə o əlavə edib.