Qazaxıstanda fövqəladə vəziyyət | 10 mindən çox insan təxliyə olundu

Qazaxıstanda daşqınlar səbəbindən yeddi rayonda yaşayış məntəqələrindən 10 mindən çox insan təxliyə edilib.

Bu barədə respublika Fövqəladə Hallar Nazirliyinin mətbuat xidmətindən məlumat verilib.

Xilasetmə əməliyyatlarında altı mindən çox insan, iki minə yaxın texnika və 12 təyyarə iştirak edir.

Qazaxıstan Fövqəladə Hallar Nazirliyinin son məlumatına görə, Aktobe, Kostanay, Qərbi Qazaxıstan, Abay, Ulıtau və Akmola vilayətlərinin bir sıra ərazilərində irimiqyaslı daşqınlar səbəbindən yerli fövqəladə vəziyyət elan edilib.