Qazaxıstanda mədəndə faciəvi uçqun | Ölənlər var

Qazaxıstanın Ulıtau vilayətindəki Jomart mədənində baş verən uçqun nəticəsində bir qrup işçi ilə əlaqə kəsilib.

Daha sonra isə Qazaxıstan Fövqəladə Hallar Nazirliyinin məlumatında bildirilib ki, dağıntılar altında qalan mədənçilərdən 7-si həyatını itirib.

Onların meyiti dağıntılar altından çıxarılıb və ekspertiza üçün polis əməkdaşlarına təhvil verilib. Dağıntı yerində təcili xilasetmə əməliyyatlarının davam etdirildiyi bildirilir. Fakt üzrə cinayət işi başladılıb.

Qazaxıstan Prezidenti Kasım-Jomart Tokayev Ulıtau vilayətində mədənçilərin ölümü ilə əlaqədar onların ailələrinə və yaxınlarına başsağlığı teleqramı göndərib.

O, hökumətə fövqəladə vəziyyətin tətbiqi şəraitini hərtərəfli araşdırmağı tapşırıb. Sənaye idarələri və rayon icra hakimiyyəti tərəfindən mərhumların ailələrinə hər cür köməklik göstəriləcək.