Qərb 3-cü Dünya savaşına hazırlaşır? - Bu tarixdə elə şeylər olacaq ki...

Avropa ölkələri və ABŞ sakinlərinin təxminən yarısı 5-10 ildən sonra yeni dünya müharibəsinin başlayacağına inanır. Sorğuda iştirak edənlər belə bir münaqişədə nüvə silahının istifadəsini istisna etməyiblər.

Bu barədə "The Guardian" qəzeti "YouGov" sorğusunun məlumatlarına istinadən məqalə dərc edib.

"Beş Avropa ölkəsində ‒ Böyük Britaniya, Fransa, Almaniya, İtaliya və İspaniyada sorğuda iştirak edən respondentlərin 41%-dən 55%-nə qədəri yaxın 5-10 il ərzində yeni dünya müharibəsinin baş verə biləcəyinə inandıqlarını bildirib. Bu mövzuda amerikalıların 45%-i həmfikir olub", ‒ deyə məqalədə qeyd olunub.

Məsələn, ABŞ-də respondentlərin 45, Böyük Britaniyada 41, Fransada 55%-i bu fikirdədir.

Məlumatda qeyd olunub ki, Avropa ölkələri və ABŞ-də respondentlərin əksəriyyəti (68%-dən 76%-ə qədər) hesab edir ki, istənilən yeni münaqişədə nüvə silahından istifadə olunacaq.