Qərb bunu düşünürsə, fikirlərində yanılır | Şoyqudan vacib açıqlama

“Qərb düşünürsə ki, Rusiyanı Ukrayna ilə bağlı uzun danışıqlar prosesinə sürükləyə, xüsusi əməliyyat zamanı Moskvanın tədricən təşəbbüsü itirməsinə yönəlmiş ssenari oynaya bilər, o zaman dərindən yanılır”.

Bu barədə jurnalistlərə Rusiya Təhlükəsizlik Şurasının katibi Sergey Şoyqu deyib.

“Kiyev üçün öz xalqının maraqları barədə düşünməyə başlamaq vaxtıdır. Amma təəssüf ki, indiyə qədər bunun əksini görürük”, – deyə o bildirib.

Şoyqu qeyd edib ki, avropalılar növbəti dəfə Kopenhagen və ya İsveçrə formatları ruhunda açıq-aşkar qəbuledilməz təşəbbüslər irəli sürərək, Ukrayna məsələsinin nizamlanmasında real irəliləyişlərin əldə olunmasına mane olmaq üçün əllərindən gələni edirlər.

Onun sözlərinə görə, vəziyyət qismən 1878-ci il Berlin Konqresini xatırladır, o zaman Avropa diplomatik manevrlər vasitəsilə Rusiyanın Osmanlı ilə müharibə zamanı əldə etdiyi nailiyyətlərin əksəriyyətini azaltmağa çalışırdı.