Qərb təəccüb içindədir, Ukrayna öyrəndi ki... | Müharibənin gedişatı nələri ortaya çıxardı?

“Dronlar indi müasir müharibənin əsasını təşkil edir. Onlar suda, quruda, havada, eləcə də kosmos kimi digər sahələrdə istifadə olunur”.

Bu fikri Avstriya Ordusunun polkovniki Markus Raysner deyib.

“Hərbi işlər tarixində inqilablarla müqayisə edilən hadisələri dəfələrlə yaşadığımızı xatırlasaq, bu, həlledici əhəmiyyət kəsb edir. İndiki mübahisə ondan ibarətdir ki, biz müharibədə təkamül yaşayırıq, yoxsa inqilab? Əminəm ki, biz əsl inqilab yaşayırıq, çünki bu sistemlər indi bizim müharibə aparmağımıza ciddi təsir göstərir”, – polkovnik bildirib.

Onun sözlərinə görə, bu hadisələri təəccüblə izləyən Qərb orduları ilə müqayisədə Ukrayna silahlı qüvvələrinin qısa müddət ərzində çox şey öyrəndiyi nəzərə çarpır.

O vurğulayıb ki, Qərb silahlı qüvvələri hələ struktur dəyişikliklərində və ya öz ehtiyacları üçün satınalmalarda özünü göstərəcək heç bir nəticə çıxarmayıb.