Pleyeri seçin:
Qəzaya uğrayan təyyarədə kimlər olub? | Faciəvi hadisənin detalları üzə çıxdı
“Air India”ya məxsus “Boeing” təyyarəsi həkimlərin yataqxanasına çırpılıb.
Əhmədabaddan Londona istiqamətlənməli olan təyyarə havaya qalxdıqdan dəqiqələr sonra qəzaya uğrayıb. Təyyarənin göyərtəsində 230 sərnişin və 12 ekipaj üzvü olub.
“Qəzadan 3 dəqiqə sonra hüquq-mühafizə orqanlarının əməkdaşları, yanğınsöndürənlər əraziyə gəlib. Qəza zonasının 70-80 faizi dağıntılardan təmizlənib”, – deyə hindistanlı polis bildirib.
Qeyd edək ki, tüstüyə görə xilasetmə işləri çətinləşib. Bu isə yaralıların həyatda qalmaq şansını azaldıb.
Hindistan mediasının məlumatına görə, azı 133 nəfər ölüb. Sərnişinlərdən 169-u Hindistan, 53-ü Böyük Britaniya, 7-si Portuqaliya, 1-i isə Kanada vətəndaşı olub. Qəzanın səbəbləri və ölü sayı dəqiqləşdirilir.
Kopyalandı
