Qəzzada razılıq əldə edildi? | ABŞ nəşri detalları açıqladı

11 iyul 2024 304 baxış

İsrail və HƏMAS girovların azadlığa buraxılması və atəşkəslə bağlı çərçivə üzərində razılaşıblar.

Bu barədə “Washington Post” məlumat yayıb.

Bildirilib ki, tərəflər hazırda bu çərçivənin necə tətbiq ediləcəyinin detallarını müzakirə edirlər.

Nəşrin məlumatına görə, razılaşmanın ikinci mərhələsində Qəzzada Fələstin Muxtariyyətinin dəstəklədiyi qüvvə tərəfindən müvəqqəti hökumətin qurulmasını hər iki tərəfin qəbul etməsi əsas addım olub.

Qeyd edilib ki, HƏMAS girov götürdüyü kişi hərbçiləri sərbəst buraxacaq, sonrasında İsrail qüvvələrinin Qəzzadan çəkilməsi ilə toqquşmalara birdəfəlik son qoyulacaq.

Razılaşmaya əsasən, müvəqqəti hökumətin qurulması nəticəsində Qəzzada nə HƏMAS, nə də İsrail idarəçiliyi olacaq. Bölgədə təhlükəsizliyi ABŞ-nin təlim keçdiyi və bir sıra ərəb ölkələri tərəfindən dəstəklənən qüvvələr təmin edəcək. 2500 nəfərlik bu qüvvələr Fələstin Muxtariyyətinin tərəfdarlarından ibarət olacaq.

#İsrail