Qəzzada vəziyyət kritikləşir

Günlər keçsə də, Qəzza zolağında humanitar vəziyyət dəyişmir. İnsanlar qida və su çatışmazlığından əziyyət çəkirlər. Bundan başqa, sakinlər atəşkəsə baxmayaraq, bölgəyə hələ də zərbələrin davam etdiyini bildiriblər.

“Onlar deyirlər ki, burada atəşkəs var. Haradadır atəşkəs?! Bizim suyumuz belə yoxdur. Bütün infrastruktur məhv edilib. Onlar sərhəd-keçid məntəqələrindən danışırlar. Bilmək istərdim ki, bu məntəqələr vasitəsilə bizə göndəriləcəyi deyilən humanitar yardım haradadır? Biz də normal şəkildə yaşamaq istəyirik”, – zərərçəkən Hatim əl-Cüraisi söyləyib.

Qeyd edək ki, atəşkəs razılaşmasına əsasən, İsrail Ordusu “sarı xətt” adlanan əraziyə doğru Ordusunu geri çəkib. Oktyabrdan indiyədək həm İsrail, həm də HƏMAS tərəfi bir-birini dəfələrlə atəşkəsi pozmaqda ittiham edib. 11 oktyabrdan bəri Qəzzada İsrail Ordusunun hücumları nəticəsində 342 fələstinli həyatını itirib.

Onu da bildirək ki, Qəzza zolağının 53 faizi İsrailin nəzarəti altındadır.