Qəzzadan ürəkağrıdan görüntülər | Ölənlərin sayında dəhşətə gətirən rəqəm

Qəzza zolağında ölənlərin sayı 59 106 nəfərə çatıb, 142 511 fələstinli isə yaralanıb.

2023-cü ilin 7 oktyabrından bəri HƏMAS və İsrail arasında daimi atəşkəs əldə olunmayıb. Təkcə son 24 saatda İsrailin hücumları nəticəsində 77 fələstinli həlak olub, 376 nəfər xəsarət alıb.

Bundan başqa, sutka ərzində 5 nəfər humanitar yardım alarkən ölüb, 52 fələstinli yaralanıb.

Qeyd edək ki, humanitar yardımın paylanılması İsrailin nəzarətindədir. Təl-Əviv bunu əvvəlki yardımların HƏMAS yaraqlıları tərəfindən mənimsənilib insanlara baha qiymətə satılması ilə izah edib. Əldə olunan pul isə silah-sursata xərclənir və İsrailə qarşı istifadə olunur.

O ki qaldı tərəflər arasında atəşkəs razılaşmasına, bu istiqamətdə danışıqlar davam edir. Bununla bağlı ABŞ Prezidenti Donald Trampın Yaxın Şərq üzrə xüsusi nümayəndəsi Stiven Uitkoffun da Qəzza zolağına səfəri nəzədə tutulub. İyulun 24-də isə o, Romada Qətər və İsrailin rəsmi şəxsləri ilə görüşüb danışıqlar aparacaq.

Ümumiyyətlə yaxın vaxtlarda Qəzza zolağına yardımın çatdırılması üçün humanitar dəhliz və atəşkəslə bağlı razılaşmanın əldə olunacağı gözlənilir.