Qəzzaya 15 min ton humanitar yardım göndərildi

“Misir tərəfindən 1000 yük maşını ilə təxminən 15 tona yaxın yardım Qəzzaya daxil olub. Onlardan 800-ü artıq bölgəyə çatdırılıb”.

Bunu Rəfah sərhəd-keçid məntəqəsində təşkil olunan mətbuat konfransında Misir Qızıl Aypara Cəmiyyətinin icraçı direktoru Əməl İmam bildirib.

Onun sözlərinə görə, yükün əsas hissəsini ərzaq məhsulları, xüsəsən un təşkil edir.

“Bundan əlavə, bölgəyə tibbi ləvazimatlar və dərman preparatları da göndərilib. Məqsəd odur ki, aclıqla mübarizə aparan insanlar yardım ala bilsinlər, öz torpaqlarında qalmağa davam etsinlər”, ‒ deyə Əməl İmam əlavə edib.

İsrail humanitar yardımın çatdırılması üçün bəzi bölgələrdə günün müəyyən hissəsində döyüşlərin dayandırılmasına, hava vasitəsilə yardım atılmasına və yardım kolonları üçün qorunan marşrutların elan edilməsinə razılıq verdiyini bildirib.

Bu arada, HƏMAS bəyan edib ki, əgər İsrail humanitar dəhlizləri daimi olaraq açarsa və yardım paylanarkən hava hücumlarını dayandırarsa, o zaman Qırmızı Xaçla birlikdə Qəzzada saxlanılan girovlara yardımın çatdırılması üçün əməkdaşlığa hazırdır.