Pleyeri seçin:
"Amazon"da 18 min nəfər işdən çıxarılır
ABŞ-nin “Amazon” şirkəti rekord sayda əməkdaşını işdən çıxaracaq.
Bu barədə şirkətin baş direktoru Endi Cessi məlumat verib. O bildirib ki, daha əvvəl elan edilmiş işçi qüvvəsinin azaldılması tədbirləri çərçivəsində ixtisarlar 18 000 nəfəri keçəcək. Bu rəqəm isə “Amazon” tarixində ən böyük işdən çıxarılma sayını əks etdirir.
Şirkətin baş direktoru bununla bağlı işçilərinə məktub göndərib və yanvarın 18-də əməkdaşlara bəyan olunacaq ixtisarların daha çox elektron ticarət və insan resursları departamentlərinə aid olacağını qeyd edib.
İşdən çıxarılanlar “Amazon”un təxminən 300 000 korporativ işçi qüvvəsinin 6 faizini təşkil edirlər. Şirkət bu yaxınlarda istedadlı işçilərin cəlb edilməsində rəqiblərini qabaqlamaq üçün maaşları iki dəfə artırdığını elan etmişdi. Müvafiq qərar şirkətin mövqeyində sürətli dəyişikliklərin olduğuna işarə edir.
Kopyalandı
Seçilmişlər
