"Gerçək vəd-4" əməliyyatının 72-ci dalğası | İrandan sərt xəbərdarlıq - Baku TV

İran İslam İnqilabı Keşikçiləri Korpusu (SEPAH) İsrailə və ABŞ-nin bölgədəki hərbi bazalarına qarşı həyata keçirdiyi "Gerçək vəd-4" əməliyyatının 72-ci dalğasının başladığını elan edib.

Bu barədə "Tasnim" agentliyi məlumat yayıb.

Bildirilib ki, yeni dalğa çərçivəsində İsrailin şimal və qərb hissələrinə zərbələr endirilib. Bununla yanaşı, ABŞ Ordusunun beşinci dəniz donanmasına doğru "Qədr" və "İmad" raketləri buraxılıb.

"ABŞ və İsrail bilməlidir ki, siren səsləri kəsilməyəcək, bizə hücum edənləri rahat buraxmayacağıq", – məlumatda vurğulanıb.

İranın "Xatəm əl-Ənbiya" Mərkəzi Qərargahının nümayəndəsi İbrahim Zülfüqari Fars körfəzinə hücumlarla bağlı ABŞ və İsrailə xəbərdarlıq edib.

İ.Zülfüqari bildirib ki, Fars körfəzində özəl gəmilər və ya sərnişin nəqliyyatına edilən hər hansı təkrar hücum sərt qarşılıqlı tədbirlə cavablandırılacaq:

"ABŞ ilə İsrail uğursuzluq və İran Silahlı Qüvvələrinin güclü əməliyyatlarına qarşı müqavimət göstərə bilmədikləri üçün özəl gəmi və sərnişin nəqliyyatını hədəf alıb".