Pleyeri seçin:
"Heç bir təzyiqə boyun əyməyəcəyik" | İran XİN-dən Qərbə sərt mesaj - Baku TV
“İranla bağlı məsələlərin hərb yolu ilə həlli yoxdur. Tehran təzyiq və təhdidlərə təslim olmayacaq”.
Bunu İranın xarici işlər naziri Abbas Əraqçi Hindistanda keçirilən “BRICS 2026” xarici işlər nazirlərinin görüşündə deyib.
O bildirib ki, İran bir ildən az müddətdə iki dəfə ABŞ və İsrail tərəfindən təcavüzə məruz qalıb:
“Dəfələrlə vurğuladığım kimi, İranla bağlı heç bir məsələnin hərb yolu ilə həlli yoxdur. İranlılar heç bir təzyiqə və ya təhdidə boyun əyməyəcək. İndi hər kəsə aydın olmalıdır ki, İran məğlubedilməzdir və təzyiqə məruz qaldıqda, əvvəlkindən daha güclü və həmrəy olur”.
Əraqçi əlavə edib ki, Tehran diplomatiyaya tam sadiq qalır, eyni zamanda azadlığını, suverenliyini və ərazi bütövlüyünü müdafiə etmək üçün tam gücü ilə mübarizə aparmağa hazırdır.
O həmçinin İran xalqının sülhsevər olduğunu və müharibə istəmədiyini vurğulayıb.
Kopyalandı
#İran Xarici İşlər Nazirliyi teqi istifadə olunub
Seçilmişlər
