Dünya
Pleyeri seçin:
"Hizbullah"dan İsrailə gözlənilməz hücum | Detallar açıqlandı
“Hizbullah” İsrailin "Yaara" hərbi kazarması və "Sant Ceyn" bazasına pilotsuz uçuş aparatları ilə hücum edib.
Nəticədə 1 nəfər ölüb, daha 6 nəfər yaralanıb.
Bundan əlavə, hərbi qruplaşma İsrailin “Zarait” kazarmasına da PUA-larla zərbələr endirib.
Xarici medianın xəbərinə görə, hadisədən sonra bölgədə yanğın başlayıb. Ölən və xəsarətalanlar barədə məlumat verilməyib.
“Hizbullah” rəsmiləri sözügedən hücumun qisas əməliyyatı olduğunu açıqlayıblar.
Məlumat üçün bildirək ki, bundan əvvəl İsrail Ordusu Livanın cənubunda “Hizbullah”ın silah anbarlarına hücum edib. Zərbənin Ayta əş-Şaabda həyata keçirildiyi bildirilir.
Xəbərdə həmçinin Matmura bölgəsindəki hərbi obyektin və Şeba bölgəsindəki silah obyektinin də atəşə məruz qaldığı qeyd olunur.
Bundan başqa, Livanın cənubundakı Ət-Tiri bölgəsində “Hizbullah”a aid raket kompleksi də zərərsizləşdirilib.
Kopyalandı
Seçilmişlər
