"İrandakı bu obyektlər real təhlükədir, ona görə də..." | İsrail Ordusundan təcili açıqlama

20 iyun 2025 313 baxış

“İranın hərbi obyektlərinə zərbələr davam edir”.

Bunu İsrail Ordusunun sözçüsü Effie Defrin söyləyib.

Onun sözlərinə görə, ordu genişmiqyaslı hücum dalğası həyata keçirib. Nəticədə İranın əsas hərbi strukturlarından biri sayılan Daxili Təhlükəsizlik İdarəsinin Xüsusi Təyinatlı Qüvvələr qərargahına zərbələr endirilib. Bununla paralel, İranın nüvə obyektləri də bombalanıb.

“Biz İran rejiminin hərbi obyektlərini birbaşa hədəfə alırıq. Onlar İsrailə qarşı real təhlükə yaradır. Bizə qarşı çıxanlar bunun əvəzini ağır şəkildə ödəyir və ödəyəcəklər. Bu əməliyyatların məqsədi İran rejiminin strateji imkanlarını məhdudlaşdırmaq və İsrail vətəndaşları üçün mövcud təhdidləri aradan qaldırmaqdır”, ‒ deyə Effie Defrin bildirib.

İranın cavabı özünü çox gözlətməyib. İsrailə qarşı raket və pilotsuz uçuş aparatları ilə hücumlar həyata keçirilib. Ölən və xəsarətalanlar barədə məlumat verilmir.

#Effi Defrin