"Layiqli cavab aldılar!" - Pakistanlı nazir Hindistanın itkilərindən danışdı

08 may 2025 462 baxış

Pakistan Silahlı Qüvvələri tərəfindən vurulan Hindistan pilotsuz təyyarələri müharibə qənimətləridir, muzeylərdə saxlanılacaq. Bunu Pakistanın informasiya naziri Ataullah Tarar deyib.

“Biz onları uşaqlarımıza göstərəcəyik və Hindistanın təyyarələri uğursuzluğa düçar olanda dronlardan necə istifadə etdiyini söyləyəcəyik”, – nazir bildirib.

A.Tarar Hindistanın Kəşmirdə nəzarət xəttində ağır itkilər verdiyini də xatırladıb: “Layiqli cavab aldılar”.

Xatırladaq ki, Hindistan Pakistan ərazisinə hava zərbələri endirib. Zərbələr nəticəsində Pakistanda 31 nəfər mülki şəxs həlak olub. Pakistan cavab olaraq Hindistan ərazisində hərbi obyektləri hədəfə alıb. Nəticədə, Hindistanın 5 qırıcısı, sərhəddə briqada qərargahı və digər hərbi hədəfləri məhv edilib.

Həmçinin Pakistan Silahlı Qüvvələri mayın 8-də Hindistana məxsus 12 ədəd “Harop” tipli PUA-nın zərərsizləşdirildiyini açıqlamışdı.

#Pakistan Silahlı Qüvvələri