"Onlar müharibənin real təsirlərini hiss etməlidirlər" | Zelenski

Ukrayna dronları Rusiyanın Stavropol “Siqnal” radiozavodunu vurub.

Bu barədə UNIAN-a Ukraynanın təhlükəsizlik xidmətindəki mənbə məlumat verib.

Bildirilib ki, zərbələrdən biri proqramla idarə olunan dəzgahların yerləşdiyi 2 nömrəli korpusa tuş gəlib. İkinci zərbə isə radioelektron cihazların istehsal edildiyi 1 nömrəli korpusa dəyib.

Ukrayna Prezidenti Volodimir Zelenski vurğulayıb ki, Rusiya tərəfinin törətdiyi əməllər cavabsız qala bilməz:

“Onların hərbi sənaye müəssisələri, logistikası və hava limanları bu ölkənin başlatdığı müharibənin real təsirlərini hiss etməlidir. Bizim pilotsuz uçuş aparatlarının dəqiqliklə gördüyü cavab tədbirləri sülhü yaxınlaşdıracaq üç arqumentdən biridir”.

Qeyd edək ki, “Siqnal” radiozavodu müxtəlif radioelektron mübarizə, radiolokasiya, radionaviqasiya avadanlıqları, uzaqdan idarə olunan radioaparatların istehsalı üzrə ixtisaslaşıb və Rusiya hərbi-sənaye kompleksi üçün işləyir.