"Qələbə müjdəsi"nin pərdəarxası məqamları | İran şərtini açıqladı

“İran “Qələbə müjdəsi” əməliyyatına başlayacağı haqqında hücumdan bir neçə saat əvvəl xəbər verib. 10 min hərbçinin olduğu ABŞ bazasında hazırlıq işləri görülüb. Şəxsi heyət bunkerdə gizlənib. Raketlər zərərsizləşdirilib. Ölən və yaralanan yoxdur”.

Bu məlumat “ynet” portalında yayılıb.

Məlumata görə, raketlərdən biri İraqa atılıb. İran bu hücumu ABŞ-nin Natanz, Fordo və İsfahandakı nüvə obyektlərinə avizərbələrinə cavab, qisas əməliyyatı kimi həyata keçirib.

ABŞ KİV-in məlumatına görə, İran hücum barədə əvvəlcədən xəbər verib ki, itki çox olmasın və ciddi eskalasiyanın qarşısını alsın.

Hücumdan iki saat sonra İran müəyyən şərtlərlə danışıqlara razı olduğunu bildirib. İlk növbədə, ABŞ və İsrail hücumları dayandırılmalıdır. Bu və digər məqamlara görə İranın cavab atəşi simvolik qisas hesab olunur.