"Qisas üçün hər şeyi edəcəyik!” | Pezeşkian Xameneinin öldürülməsindən danışdı - Baku TV

“Əli Xameneinin öldürülməsi İsrail və ABŞ tərəfindən dünya müsəlmanlarına qarşı müharibə elanıdır”.

Belə bir açıqlama ilə İran Prezidenti Məsud Pezeşkian çıxış edib.

O bildirib ki, Tehran qisası özünün qanuni hüququ və vəzifəsi hesab edir və bu vəzifəni yerinə yetirmək üçün bütün səylərini göstərəcək.

ISNA agentliyinin yaydığı informasiyaya görə, Ayətullah Əlirza Ərafi İranın ali lideri vəzifəsinin müvəqqəti icraçısı təyin olunub.

“İsrail yaxın günlərdə İranda minlərlə hədəfə silsilə zərbələr endirməyi planlaşdırır”.

Bunu İsrailin Baş naziri Benyamin Netanyahu “X” sosial şəbəkəsində yazıb. O həmçinin İran sakinlərini hakimiyyəti devirmək üçün küçələrə çıxmağa çağırıb.

“Bu qədər müddət gözlədiyiniz yardım indi gəlib. Tarixi missiya naminə birləşməyin vaxtı çatıb”, – deyə İsrailin Baş naziri paylaşımında vurğulayıb.

Bu arada SEPAH-ın açıqlamasına görə, Hörmüz boğazına ancaq İran və Çinin donanması buraxılır. Bundan başqa, Fars körfəzinə ABŞ gəmilərinin girişinə də qadağa qoyulub.