"Times of Israil" nəşri İsrail ordusunun Suriya sərhədini keçdiyini iddia edir

“Times of Israel” nəşri İsrail Silahlı Qüvvələrinin tanklarının Suriya sərhədini keçdiyi barədə məlumat yayıb.

“Bəşər Əsəd rejiminin bir gecədə süqutundan sonra İsrail tanklarının Colan təpələri tərəfdən Suriya sərhədini keçdiyi iddia edilib”, – deyə nəşrdə qeyd olunub.

Məqalədə təsdiqlənməmiş məlumatlara görə, İsrail qüvvələrinin Kuneytra bölgəsindəki bufer zonasına daxil olduğu və ərazini artilleriya atəşinə tutduğu bildirilir.

İsrail Ordusu hazırda müvafiq məlumatları şərh etməyib.

İsrail Müdafiə Qüvvələri Suriyanın sərhəd bölgələrini qapalı hərbi zona elan edib.

Nəşrdə bildirilib ki, Qüds Prezident Bəşər Əsədin qaçmasından sonra Suriyanın İsraillə həmsərhəd şəhərlərində rejimin sərtləşdirilməsini elan etmək niyyətindədir. Xüsusilə dörd kənddə məktəbdə dərslər ləğv ediləcək.

Qeyd olunub ki, İsrail mülki əhalinin, o cümlədən fermerlərin ölkəyə girişinin qarşısını almaq üçün Suriya ərazilərində nəzarət-buraxılış məntəqələri yerləşdirəcək.