"Vaqner"in texnikaları Rusiya MN-ə təhvil veriləcək

“Vaqner” muzdlu hərbi təşkilatının ağır hərbi texnikaları Rusiya Müdafiə Nazirliyinə təhvil veriləcək.

Nazirlikdən bildirilib ki, ağır hərbi texnikanın Rusiya Silahlı Qüvvələrinin fəaliyyətdə olan bölmələrinə təhvil verilməsi üçün artıq hazırlıq işləri aparılır.

Bundan başqa, Rusiyada silahlı qiyamla bağlı açılmış cinayət işinə xitam verilib. Bu barədə ölkənin Federal Təhlükəsizlik Xidmətinin İctimaiyyətlə Əlaqələr Mərkəzi məlumat yayıb.

Qeyd edək ki, iyunun 26-da Sergey Şoyqu “Vaqner”in silahlı qiyamından sonra ilk dəfə üzə çıxıb. Qeyd olunub ki, o, xüsusi əməliyyat zonasında komanda məntəqələrindən birinə gedib və yoxlamalar aparıb. Nazir orduya Ukrayna Silahlı Qüvvələrinin planlarını əvvəlcədən aşkarlamaq və qabaqlayıcı tədbirlər görmək barədə tapşırıq verib.