"Vəhşi Arman" və deputat Kudaybergen Almatıdakı iğtişaşla bağlı saxlanılıb

Kriminal aləmdə "Vəhşi Arman" kimi tanınan Arman Cumagəldiyev və Kayrat Kudaybergen barəsində başlanmış cinayət işi Almatı şəhərinin ixtisaslaşdırılmış rayonlararası məhkəməsinə verilib.

Xatırladaq ki, Arman Cumagəldiyev 2022-ci ildə yanvar iğtişaşları zamanı Almatıda kütləvi iğtişaşların təşkilində şübhəli bilinərək saxlanılıb. 22 aprel 2022-ci ildə bloger və deputat Kayrat Kudaybergen də yanvar hadisələri ilə bağlı saxlanılıb.

Almatı Prokurorluğu bildirib ki, deputat kütləvi iğtişaşların təşkilində və hadisələrdə iştirakda şübhəli bilinir. İlkin məlumatlara görə, Kayrat Kudaybergen "vəhşi Arman" kimi tanınan kriminal avtoritetlə birlikdə qanlı yanvarda etirazçıları birləşdirmək üçün başına bir qrup insan toplayıb.

Qazaxıstan Baş Prokurorluğunun Cinayət Prokurorluğu Xidmətinin rəhbəri Serik Şalabayev Almatıda yanvar hadisələri zamanı Arman Cumagəldiyev və onun əlaltılarının başçılıq etdiyi bir qrup cinayətkarın hansı sxemlə hərəkət etdiyini detalları ilə ittiham aktına daxil edib.