"X" Avropa Komissiyasını görün necə cəzalandırdı - Baku TV

"X" sosial şəbəkəsi Avropa İttifaqının rəqəmsal xidmətlər haqqında qanununu pozduğuna görə 120 milyon avro cərimələndikdən sonra Avropa Komissiyasının reklam hesabını bloklayıb.

Bu barədə "X" şirkətinin məhsullar üzrə rəhbəri Nikita Bir açıqlama verib.

O iddia edib ki, sosial şəbəkənin cərimələnməsi qərarı ilə bağlı paylaşım etmək üçün Avropa Komissiyasının hərəkətsiz reklam hesabından istifadə olunub və ona əlavə edilən link istifadəçiləri çaşdırmaq və süni şəkildə əhatə dairəsini artırmaq məqsədilə video kimi gizlədilib.

"Bəyanatınızın ironiyası ondadır ki, siz qeyri-aktiv reklam hesabınıza daxil olub bizim "Ad Composer" alətindəki boşluqdan istifadə etmisiniz, istifadəçiləri aldadan, videonu təqlid edən link yerləşdirmisiniz və onun əhatə dairəsini süni şəkildə artırmısınız. Hər kəs platformamızda bərabər hüquqlara malik olmalıdır. Lakin görünür, siz qaydaların hesabınıza şamil edilməməli olduğunu düşünürsünüz", – deyə Bir açıqlama verib.