"Yatacaq yerim yox idi" | Ailəsini gizlədən Mahsun Kırmızıgülün həyatını nə dəyişdirdi?

Mahsun Kırmızıgül 1969-cu ildə Bingöldə yoxsul bir ailədə dünyaya gəlib. Uşaqlıqdan ailəsinə dəstək olmaq üçün işləməyə başlayıb.

Kiçik yaşlarından musiqiyə böyük maraq göstərən Mahsun yerli toy məclislərində səhnəyə çıxaraq səsi ilə diqqət çəkib.

Musiqi karyerasına başlamaq məqsədilə İstanbula yollanıb və burada ağır həyat şəraiti ilə üzləşib. Elə günlər olub ki, gecələməyə yeri belə olmayıb.

1990-cı illərdə çıxardığı albomlarla məşhurlaşaraq arabesk və pop musiqisini birləşdirən üslubu ilə geniş kütlənin rəğbətini qazanıb.

1995-ci ildə tanış olduğu Seda Sayanla üç il imam nikahı ilə birlikdə yaşayıb. Lakin rəsmi nikah baş tutmadığı üçün münasibətləri sonlanıb.

2007-ci ildə "Beyaz Melek" filmi ilə Mahsunun həyatı yeni mərhələyə qədəm qoyub. O artıq rejissor və ssenarist kimi də tanınıb.

Filmlərində köç, ayrı-seçkilik və yoxsulluq kimi sosial mövzulara toxunaraq milyonlarla insanın qəlbinə yol tapıb.

Şəxsi həyatını və ailəsini mediadan uzaq saxlayan Mahsun Kırmızıgül bu gün də musiqi və kino sahəsində iz qoymağa davam edir.