Qurmaq istədiyimiz ölkə... | Simonyan Ermənistanda ola biləcək tarixi dəyişiklikdən danışdı

“Ermənistanın Avropa İttifaqı ilə ümumi sərhədi yoxdur, lakin onun Rusiya ilə də ümumi sərhədi yoxdur, amma bu, Rusiyaya Gömrük İttifaqına qoşulması üçün Ermənistanın o vaxtkı hakimiyyətinə təzyiq göstərməsinə mane olmadı”.

Bu sözləri Ermənistan parlamentinin spikeri Alen Simonyan Baltikyanı və Şimali Avropa ölkələrinin parlament rəhbərlərinin iştirakı ilə “Sülh və demokratiya naminə birlikdə” mövzusunda panel müzakirəsindən sonra keçirilən brifinqdə deyib.

O etiraf edib ki, ərzaq təhlükəsizliyi və iqtisadi qarşılıqlı asılılıq mühüm komponentlərdən biridir:

“Ancaq söhbət bununla bağlı deyil. Dəyərlər sistemi odur ki, biz hansı ölkəni qurmaq istəyirik. Bu bizim seçim məsələmizdir. Seçkilərin, hüquqların və azad medianın olmadığı bir avtoritar ölkəmiz ola bilər və çətinlikləri olan, lakin azad və yüksək səviyyədə demokratiyaya malik ölkəyə sahib ola bilərik. Biz artıq beynimizdə bu seçimi etmişik və gələcəkdə zərurət yaranarsa, bunu seçkilər və ya referendumla yenidən təsdiq edəcəyik”.