Rəcəb Tayyib Ərdoğan Türkiyə millisini təbrik edib

Türkiyə millisinin AVRO-2024-ün 1/8 finalında Avstriya üzərində qələbəsindən sonra ölkə Prezidenti Rəcəp Tayyib Ərdoğan komandanı təbrik edib.

Dövlət başçısı yarışın 1/4 finalına adlayan kollektivin baş məşqçisi Vinçenso Montella, eləcə də Arda Gülər və Barış Alper Yılmazla telefonla danışıb.

Xatırladaq ki, Türkiyə yığması AVRO-2024-ün 1/8 finalında Avstriyanı 2-1 hesabı ilə məğlub edib. “Ay-ulduzlular” iyulun 6-sı Berlində keçiriləcək matçda Niderland komandası ilə üz-üzə gələcək.