Rəisinin olduğu helikopteri kimlər idarə edib? | Qəza ilə bağlı yeni iddia

 Mayın 19-da göyərtəsində İran Prezidenti İbrahim Rəisinin olduğu helikopter lazımi naviqasiya və siqnal avadanlığı ilə təchiz edilib.

Bu barədə “Türkiyə” qəzeti İran kəşfiyyat xidmətlərindəki mənbələrə istinadən məlumat yayıb.

Nəşr yazır ki, helikopteri İslam İnqilabı Keşikçiləri Korpusu deyil, ordunun pilotları idarə edib.

Məlumata görə, İ.Rəisinin göyərtəsində olduğu helikopterin sərnişinlərinin siyahısında son anda dəyişiklik edilib. Siyahıya xarici işlər naziri Hüseyn Əmir Abdullahiyan və ilkin olaraq ikinci helikopterlə İrana uçmalı olan digər şəxslər də mindirilib.

Yazıda həmçinin o da vurğulanıb ki, əgər əvvəllər hava nəqliyyat vasitəsini SEPAH pilotları idarə edirdisə, bu dəfə ekipaj ordunun şəxsi heyətindən ibarət olub.

Helikopterin özü üç növ izləmə cihazı ilə təchiz edilib. Orada standart GPS və transponderlə yanaşı, siqnalın 72 saat fasiləsiz ötürülməsini təmin edən xüsusi sistem quraşdırılıb. Bu vəziyyətə baxmayaraq, qəza yerini dərhal tapmaq mümkün olmayıb.