Rusiya bu əraziyə raket “yağdırdı” | “Hələ də özümə gələ bilmirəm...”

20 noyabr 2025 178 baxış

“Noyabrın 19-u gecə və səhər saatlarında Rusiya Ordusunun Ukrayna ərazilərinə endirdiyi zərbələr nəticəsində 9 nəfər həlak olub, onlarla insan xəsarət alıb. Xilasetmə əməliyyatları aparılır, dağıntılar altında insanların olma ehtimalı yüksəkdir”.

Bu sözləri Ukrayna Prezidenti Volodimir Zelenski sosial şəbəkədə paylaşımında bildirib.

Son məlumata görə isə Ternopolda ölənlərin sayı 10-a çatıb, 40-a yaxın yaralı var. Dağıntılar altında insanların olduğu bildirilir. Bu səbəbdən həlak olan və xəsarətalanların sayının artacağı istisna olunmur.

Bildirək ki, Rusiya Ukraynaya 470-dən çox dron və 48 müxtəlif tipli raketlə hücum edib.

Qeyd edək ki, Kiyev sakinləri Rusiyanın raket və dron hücumlarından qorunmaq üçün metrostansiyalarda gizlənmək məcburiyyətində qalıblar. Ternopolda xəsarətalanlardan 12-nin uşaq olduğu bildirilir.

“Mənzillərdən sakinlərin təxliyəsi davam edir”, ‒ deyə Daxili İşlər Nazirliyinin məlumatında qeyd olunub.

#Rusiya-Ukrayna müharibəsi