Rusiya çöküşə tərəf gedir? - Ukrayna üçün tarixi fürsət, yoxsa... ?

“ABŞ və Avropa döyüş meydanında qələbəsi üçün Ukraynaya lazımi qüvvə yerləşdirməyə hazır deyillər. Buna görə də hazırkı vəziyyət başqa alternativlər tələb edir. Ərazi itirilməsini hüquqi cəhətdən tanımadan döyüşlərin müvəqqəti dayandırılması ordu və iqtisadiyyatın möhkəmləndirilməsi üçün Ukraynaya vaxt qazandırmış olardı”.

Bu sözlər geosiyasi strateq, politoloq Mark Brolinin “The Telegraph”dakı şərhində yer alıb.

“Bunu “Koreya dondurulması”, yaxud alman finalı adlandırmaq olar. Belə olan təqdirdə işğalın de-yure tanınması rədd edilir. Ukrayna zaman və nə vaxtsa torpaqlarını işğaldan azad etmək şansı qazanır. Bu addım kapitulyasiya olmayacaq”, ‒ deyə Brolin bildirib.

Onun sözlərinə görə, bunun reallaşması üçün 3 səbəb mövcuddur. Birincisi, sanksiya və davamlı hücum xərclərinə görə Rusiya iqtisadiyyatı da yaxşı durumda deyil. İkincisi, ABŞ-nin daxili siyasəti Ağ Evin uzunmüddətli perspektivdə verə biləcəyi zəmanətləri məhdudlaşdırır. Açıq eskalasiya siyasi təhdidə çevrilir və Vaşinqton ilk növbədə Rusiyanı Avropanın problemi hesab edəcək.

“Soyuq müharibə dövründə “rus ayısı”nı tənqid etmək qlobal münaqişəyə çevrilə bilərdi. Donald Tramp da həmin dönəmə bağlı olan son Prezident olacaq. “Qonşu ölkələr vassalların statusunu qəbul etməlidir” arqumentinin əsasını da məhz bu təşkil edir. Hərçənd “rus ayısı” artıq əldən düşüb və Sovet İttifaqının keçmiş üzvləri artıq müstəqil respublikalardır. Üçüncüsü, Avropa oyanır və energetika sahəsində Rusiyadan asılılığı aradan qaldırmağa çalışır. Bu isə Rusiyanın çöküşünü tezləşdirəcək”, ‒ deyə Brolin qeyd edib.

Buna görə münaqişənin dondurulması Rusiyaya da sərf edir. Məlumat üçün bildirək ki, Rusiya işğal etdiyi ərazilərdən çıxmaq istəmir. Ukrayna tərəfi isə münaqişənin “Koreya variantı” ilə dondurulmasını istisna etməyib.