Rusiya hərbçilərin meyitlərini Ukraynaya qaytarır

Rusiya Ukrayna hərbçilərinin meyitlərinin ilk partiyasını mübadilə məntəqəsinə çatdırıb. Bu barədə Rusiya mediası məlumat yayıb.

Rusiya tərəfi iyunun 2-də İstanbulda keçirilmiş danışıqlar çərçivəsində əldə olunmuş razılaşmalara uyğun olaraq, həlak olmuş Ukrayna hərbçilərinin meyitlərinin ilk partiyasını mübadilə məntəqəsinə çatdırıb.

Bu barədə Rusiya danışıqlar qrupunun nümayəndəsi, general-leytenant Aleksandr Zorin məlumat verib.

Qeyd edilib ki, meyitləri qarşı tərəfə təqdim olunan 1212 nəfərin hamısı geyimləri və tapıldıqları ərazilər əsasında Ukrayna Silahlı Qüvvələrinin hərbçiləri kimi tanınıb.

“Bu, ilk partiyadır, Ukrayna tərəfi ilə razılaşdırılmış qrafikə uyğun olaraq mübadilə nöqtəsinə çatdırılıb. Meyitlərin bir çoxu artıq şəxsən tanınıb, lakin ümumilikdə hamısının Ukrayna hərbçiləri olduğu müəyyən edilib. Meyitlərin təhvil verilməsinin gələn həftəyə qədər təxirə salınacağına dair siqnallar var, Rusiya Ukraynadan təsdiq gözləyir”, – deyə rusiyalı general bildirib.