Rusiya hücumların şiddətini artırdı | Zelenskidən Avropaya açıq mesaj - Baku TV

Ukrayna Prezidenti Volodimir Zelenski Avropa İttifaqı siyasətçilərinin Rusiya Silahlı Qüvvələrinin ölkəsinə kütləvi zərbələri fonunda məzuniyyətə çıxmalarından şikayətlənib.

Ukrayna lideri bunu “xoşagəlməz hal” adlandırıb.

Polşanın Baş naziri Donald Tusk isə Ukraynaya dəstəyin davam etdirməsinin vacibliyindən danışıb: “Qarşımızdakı aylar, eləcə də qarşıdakı payız və qış həlledici ola bilər. Biz döyüşən qonşumuza fasiləsiz dəstək verməliyik. Biz həmin vaxt buraxılan səhvləri təkrarlaya bilmərik”.

Bu arada, Rusiya müharibənin 1651-ci günü üçün Ukrayna Ordusunun itkiləri haqqında məlumatı yeniləyib.

Rusiya Müdafiə Nazirliyinin rəsmi nümayəndəsi İqor Konaşenkovun sözlərinə görə, xüsusi əməliyyatın başladığı gündən indiyə qədər qarşı tərəfin 674 təyyarəsi, 284 helikopteri, 224 972 PUA-sı, 670 zenit-raket kompleksi, 30 775 tank və digər zirehli texnikası sıradan çıxarılıb. Bundan əlavə 1776 reaktiv yaylım atəş sistemi, 36 340 artilleriya və minaatanı, 70 752 xüsusi hərbi avtomobil texnikası məhv edilib.