“Rusiya ilə MDB ölkələri arasındakı əlaqələri pozmağa çalışırlar” | Şpakovski

Belarus parlamentinin deputatı Aleksandr Şpakovski TASS agentliyinə müsahibəsində Qərb ölkələrini SSRİ-nin dağılmasından bəri Rusiya ilə Müstəqil Dövlətlər Birliyi (MDB) ölkələri arasındakı əlaqələri pozmağa çalışmaqda ittiham edib. O bildirib ki, Qərb xüsusi xidmət orqanları və onlara bağlı qeyri-hökumət təşkilatları (QHT) postsovet məkanında dağıdıcı fəaliyyət göstərirlər. Şpakovskiyə görə, bu fəaliyyətin məqsədi yeni yaranmış dövlətlər üzərində siyasi-iqtisadi nəzarəti ələ almaq və MDB ölkələri ilə Rusiya arasındakı əlaqələri qırmaqla regionun parçalanmasını davam etdirməkdir. Deputat son 30 ildə bir çox postsovet ölkəsində xaricdən dəstəklənən "rəngli inqilablar" baş verdiyini və nəticədə "sorosçular" adlandırılan, Soros Fondu kimi Qərb qurumlarından asılı olan yeni siyasi elitaların hakimiyyətə gəldiyini iddia edib.