Rusiya işğal etdiyi ərazilərə erməniləri yerləşdirir

Rusiya Ukraynanın işğal olunmuş ərazilərində könüllü erməni batalyonları yerləşdirir.

Bu barədə Amerika Birləşmiş Ştatlarının Müharibə Araşdırmaları İnstitutu məlumat yayıb. İyulun 2-də Moskvadakı erməni katedralındə keçirilən yolasalma mərasimində iştirak edən “Arbat” könüllü batalyonunun görüntüləri yayılıb.

“Həmin batalyonda Ermənistan vətəndaşları ilə yanaşı, Rusiyanın işğal etdiyi Abxaziyadan olan etnik ermənilərin də olduğu güman edilir”, – deyə İnstitutun məlumatında bildirilib.

Qeyd edək ki, Rusiya KİV bu xəbəri təsdiqləyib. Eyni zamanda amerikalı analitiklərin sözlərinə görə, Ukrayna Silahlı Qüvvələri iyulun 2-də cəbhənin 6 istiqamətində əks-hücum əməliyyatı keçirib və bəzi ərazilərdə qələbə qazanıb. Bildirilir ki, Rusiyanın bir sıra blogerləri hakimiyyətin şişirtdiyi uğurların həqiqi üzünü ifşa edir. Buna görə də onların bir çoxu sanksiya ilə üzləşir.