Rusiya Ordusu 4 ayda nə qədər ərazini ələ keçirdi? | Şoyqudan açıqlama

2024-cü ildə Ukrayna Silahlı Qüvvələrinin ümumi itkiləri 111 000 nəfəri ötüb.

Bunu Rusiya müdafiə naziri Sergey Şoyqu bildirib.

Onun sözlərinə görə, təkcə apreldə Ukrayna Silahlı Qüvvələrinin gündəlik itkiləri min hərbçiyə qədər artıb.

S.Şoyqu ilin əvvəlindən Rusiya Silahlı Qüvvələrinin Ukraynanın 547 kvadratmetr ərazisini nəzarətə götürdüyünü də qeyd edib:

"Son iki həftə ərzində Rusiya qoşunları Donbasda Novobaxmutovka, Semenovka, Berdıçi yaşayış məntəqələrini azad edib. Rusiya Silahlı Qüvvələrinin qrupları bütün təmas xətti boyunca Ukrayna Silahlı Qüvvələrinin dayaq məntəqələri sistemini sındırmaqda davam edir.

Ukrayna Ordusu Rusiya Silahlı Qüvvələrinin hücumu altında geri çəkilir. Kiyev rejimi döyüşmək istəməyən və zorla cəbhə xəttinə göndərilən ukraynalıların səfərbərliyini gücləndirir".

Müdafiə naziri Sergey Şoyqu sonda onu da qeyd edib ki, ABŞ və müttəfiqləri Ukraynadan nəyin bahasına olursa-olsun Rusiyanın hücumlarının qarşısını almağı tələb edir.