Rusiya Ordusu mülki obyektləri də vurdu | Ukraynada dəhşətə gətirən vəziyyət

Rusiya ordusu Xarkova dronlarla hücum edib.

Yaralananların sayı 27-yə çatıb. Xəsarət alanlar arasında uşaqlar da var. Yaşayış binalarından birində yanğın baş verib.

Rusiya əsasən mülki obyektləri hədəf alıb. Belə ki, hücumlar nəticəsində uşaq bağçası da zədələnib.

Rusiya ordusu Sumıya da hücumları davam etdirir. Vilayətin atəşə tutulması nəticəsində 2 nəfər ölüb.

Xerson vilayətinin Berislav şəhəri də dron hücumuna məruz qalıb. Traxtora endirilən hava zərbəsi bir nəfərin ölümünə səbəb olub.

İyulun 7-si gecə saatlarında Ukrayna paytaxtı Kiyev də “Shahed” dronları vasitəsilə atəşə tutulub. Bir neçə obyekt yanıb, xəsarət alanlar barədə məlumat verilmir.

Odessaya hücum nəticəsində 1 nəfər ölüb, dağıntılar qeydə alınıb.

Ukrayna ordusu da Rusiyaya dronlarla hücum edib. Rusiya Müafiə Nazirliyinin məlumatına görə, 91 PUA zərərsizləşdirilib.