Rusiya Ordusu Ukraynanın daha bir ərazisini ələ keçirdi

Rusiya qoşunları Donetsk vilayətinin Razino kəndini ələ keçirib.

Bu barədə “DeepState” layihəsi məlumat yayıb.

Bundan əlavə, ordunun Vozrojdenie, Toretsk, Danilovka və Krasnıy Pervı yaşayış məntəqələrində irəlilədiyi bildirilib.

Xerson vilayəti istiqamətində də vəziyyət gərginləşib. Rusiya Ordusu xüsusilə adalar zonasına yönələn hücum əməliyyatlarını əhəmiyyətli dərəcədə aktivləşdirib. Bu barədə isə Ukrayna Cənub Müdafiə Qüvvələrinin sözçüsü Vladislav Voloşin məlumat verib.

Onun sözlərinə görə, əgər əvvəllər gündəlik olaraq 2-3 hücum qeydə alınırdısa, indi bu say 6-8, bəzən isə 10-11 cəhdə çatır.

V.Voloşin həmçinin əlavə edib ki, cəbhənin cənub istiqamətində qızğın döyüşlər gedir. Son sutka ərzində ruslar müxtəlif modifikasiyalı 400-ə yaxın kamikadze dronla hücum edib və 160-dan çox bomba atıb, bunun üçün isə 180-dən artıq sursat istifadə olunub.