Rusiya Ordusu Xarkovu vurdu | Ukrayna mediasında çaxnaşma

Rusiya Silahlı Qüvvələrinin Xarkov vilayətinin Çuquyev şəhəri yaxınlığındakı hədəflərə endirdiyi zərbələr nəticəsində azı yüz silahlı öldürülüb.

Bu barədə Ukrayna “Telegram” kanalları məlumat yayıb.

Onların fikrincə, Ukrayna Dövlət Kəşfiyyat İdarəsinin rəisi Kirill Budanov dağıdılmış poliqonda ola bilər.

Zərbə aprelin 15-də “İsgəndər” raketləri ilə endirilib. Rusiyayönlü KİV hərbi obyektin ərazisində irimiqyaslı yanğınlar, eləcə də təcili yardım maşınlarının karvanları barədə məlumat verib. Yerli hakimiyyət sakinləri qan verməyə çağırıb.

“Military Affairs” xəbər verir ki, Çuquyev bölgəsində “çox vacib şəxsin” vurulması ilə əlaqədar Ukrayna “Telegram” kanallarında çaxnaşma yaranıb. K.Budanovun, eləcə də Ukrayna Silahlı Qüvvələrinin digər yüksəkrütbəli zabitlərinin öldüyü bildirilir.

Bəzi kanallar xəbər verir ki, ölən K.Budanov deyil, Ukrayna Silahlı Qüvvələrinin baş komandanı Aleksandr Sırski olub. Hələlik bu məlumatların rəsmi təsdiqi yoxdur.