Rusiya qazının taleyi necə olacaq? | Avropanın birliyinə zərər vuran nüanslar

Sərt keçən soyuqda Avropaya, əsasən də qitənin cənub-şərqinə qaz lazımdır.

Lakin Ukrayna və Rusiya dövlət başçıları bir-birilərini qitəyə qaz nəqlini dayandırmaqda ittiham edirlər.

İki ölkə arasında gedən müharibədə enerji məsələsi siyasi təzyiq vasitəsi kimi istifadə edilir. Nəticədə Slovakiya, Macarıstan, Moldova və s. ölkələr enerji böhranı ilə üz-üzə qalıb. Hətta iddia edilir ki, qazdan siyasi alət kimi istifadə edilməsi gələcəkdə Avropanın birliyinə zərbə vura bilər.

Slovakiyanın narahatlığı xüsusilə əsaslıdır. Çünki ölkə Rusiya qazına daha çox möhtacdır. Slovakiya Baş naziri Robert Fitsonun Vladimir Putinlə, Ukrayna rəsmiləri ilə görüşləri nəticəsiz qalıb.

Rəsmi Kiyev müharibə fonunda Rusiyanın enerji nəhəngi "Qazprom"la Rusiya-Ukrayna müharibəsindən əvvəl bağlanmış beşillik tranzit müqaviləsini yeniləməyib və Rusiya qazının ixracı 2025-ci il yanvarın 1-dən dayandırılıb.

Bəs Avropa İttifaqında nə düşünürlər? Ukrayna ilə müttəfiqlik əlaqələri güclü olan ittifaq ölkələri Ukraynadan keçən Rusiya qazına ehtiyac duymur?