Rusiya rəsmisindən açıqlama | "Regionda hamıya məlumdur" - Baku TV

27 mart 2026 184 baxış

“Rusiya ABŞ və İsrailin Tehrana qarşı əməliyyatı fonunda İrana kəşfiyyat məlumatları ötürmür”.

Bunu Rusiyanın xarici işlər naziri Sergey Lavrov Fransa mediasına müsahibəsində bildirib.

“Biz İrana müəyyən növ hərbi təyinatlı məhsullar tədarük etmişik, lakin İrana kəşfiyyat məlumatları ilə kömək etdiyimizə dair ittihamlarla razılaşa bilmərik”, – deyə o bildirib.

Lavrov qeyd edib ki, Rusiya lideri Vladimir Putin və onun rəsmi nümayəndəsi Dmitri Peskov Tehrana kəşfiyyat məlumatlarının ötürülməsi mövzusu ilə bağlı artıq şərhlər veriblər.

“Onlar bildiriblər ki, Rusiyanın həqiqətən də İranla sıx münasibətləri var. Bizim hərbi-texniki əməkdaşlıq haqqında sazişimiz mövcuddur”, – deyə Rusiya xarici siyasət idarəsinin rəhbəri qeyd edib.

Lavrov əlavə edib ki, Fars körfəzi ölkələrindəki Amerika hərbi bazalarının koordinatları regionda hamıya məlumdur.

“İranın onlara hücum etməsi məndə təəccüb doğurmur”, – deyə Rusiyanın xarici işlər naziri əlavə edib.

#Rusiya Xarici İşlər Nazirliyi