Pleyeri seçin:
Rusiya rəsmisindən Trampın müharibəni dayandırmaq təklifinə cavab
“Moskva ABŞ lideri Donald Trampın Ukraynada müharibənin başa çatması ilə bağlı təklif etdiyi razılaşmanın şərtlərini araşdırmalıdır”.
Bunu Rusiyanın BMT-dəki daimi nümayəndəsinin birinci müavini Dmitri Polyanski deyib.
Onun sözlərinə görə, münaqişənin həlli sadəcə müharibənin dayandırılması məsələsi deyil.
Rusiya rəsmisinin fikrincə, söhbət Ukrayna böhranının köklü səbəblərinin aradan qaldırılmasından gedir.
“Buna görə də biz Trampın başa düşdüyü razılaşmanın nə demək olduğuna baxmalıyıq. O, ABŞ-nin 2014-cü ildən bəri Ukraynanı anti-Rusiyaya çevirərək və bizimlə müharibəyə hazırlayaraq etdiklərinə görə məsuliyyət daşımır, lakin bu zərərli siyasəti dayandırmaq onun səlahiyyətindədir”, – deyə Rusiya rəsmisi bildirib.
Qeyd edək ki, daha əvvəl Tramp bəyan etmişdi ki, əgər Rusiya Ukrayna ilə bağlı razılığa gəlməsə, ABŞ Moskvanın satdığı hər şeyə yüksək tariflər və sanksiyalar tətbiq edəcək.
Kopyalandı
#Rusiya teqi istifadə olunub
Seçilmişlər
