Rusiya sərhədçiləri “Zvartnots” hava limanını tərk etdi

Rusiya sərhədçiləri 1965-ci ildən Ermənistanın hava qapılarını mühafizə etdikləri Zvartnots beynəlxalq hava limanını tərk ediblər.

Rusiya Federal Təhqiqatlar Xidməti keçid məntəqəsində dövlət sərhədinin mühafizəsi funksiyalarını Ermənistan tərəfinə təhvil verib. Bu barədə Ermənistan mediası məlumat yayıb.

Protokolu Ermənistan Milli Təhlükəsizlik Xidmətinin (MTX) sərhəd qoşunlarının komandanı Edqar Hunanyan və Rusiya Federal Təhqiqatlar Xidmətinin Ermənistandakı Sərhəd İdarəsinin rəisi, general-leytenant Roman Qolubitski imzalayıblar.

Tərəflər Rusiya ilə Ermənistan arasında sərhəd təhlükəsizliyi məsələlərini müzakirə ediblər.