Rusiya təyyarəsi təcili enmək istədi, Norveç "yox" dedi

Norveç hökuməti Rusiyanın "Nordwind Airlines" aviaşirkətinə məxsus təyyarənin təcili eniş siqnalına rədd cavab verib.

Bu barədə ölkənin KİV məlumat yayıb. Bu səbəbdən də göyərtəsində huşunu itirən bir nəfərin olduğu hava gəmisi Norveçin hava limanına enə bilməyib.

Məlumat üçün bildirək ki, təyyarə Moskvadan Kubanın Varadero kurortu istiqamətində uçuş edirdi. Təyinat yerindən qalxdıqdan bir neçə saat sonra sərnişinlərdən biri özünü pis hiss edib.

İlkin müayinədən sonra ona daxili qanaxma diaqnozu qoyulub və vəziyyətinin ağır olduğu qeyd olunub. Təyyarə kapitanı Norveçin hava limanlarından birinə həmin şəxsə təcili tibbi yardım göstərilməsi üçün eniş etmək məcburiyyətində olduqlarını bildirsə də, ona rədd cavabı verilib. Buna görə də hava gəmisi Moskvaya qayıtmaq məcburiyyətində qalıb.

Qeyd edək ki, sərnişin artıq xəstəxanaya yerləşdirilib. Vəziyyətinin qənaətbəxş olduğunu bildirilib.