Rusiya-Ukrayna müharibəsində son vəziyyət | Qarşılıqlı hücumlar necə nəticələndi?

Rusiya ilə Ukrayna arasında vəziyyət gərgin olaraq qalır.

Noyabrın 25-dən 26-na keçən gecə Ukrayna ordusu Rusiyaya 54 pilotsuz uçuş aparatı ilə hücum edib.

Bu barədə ölkənin Müdafiə Nazirliyi məlumat verib. Bildirilib ki, hava hücumundan müdafiə qüvvələri Kiyev rejiminin terror hücumunun qarşısını alıb.

Məlumata görə, Rostov vilayəti üzərində 24, Bryanskda 5, Kurskda 3, Krımda 2, Orlov və Voronej vilayətlərinin hər birində isə 1 PUA məhv edilib.

Belqorod vilayətinin qubernatoru Vyaçeslav Qladkov isə teleqram kanalında bildirib ki, son sutka ərzində Ukrayna silahlı qüvvələri tərəfindən atılan PUA-ların əksəriyyəti havada ikən zərərsizləşdirilib. Hadisə nəticəsində bir neçə yaşayış binasına ciddi ziyan dəyib.

Ukrayna KİV isə yazır ki, Rusiya silahlı qüvvələri də gecə ərzində bir neçə dəfə paytaxt Kiyevə, Dnepropetrovsk və yaxın ərazilərə PUA-larla hücum edib. Ölkə ərazisində onlarla PUA məhv edilib. Kiyevdə 5 saat dayanmadan hava hücumu təhlükəsi siqnalı verilib.