Rusiya-Ukrayna müharibəsində yaralanan əsgərlərın yeni həyatı

2 ilə yaxındır davam edən Rusiya-Ukrayna müharibəsinin, bəlkə də, ən çox zərər çəkənləri əsgərlərdir. Rusiya qoşunları ilə torpaqları uğrunda döyüşərkən ağır yaralanan və gözlərini itirən qazilər indi müstəqil şəkildə həyata tutunmağa çalışırlar.

Döyüşlər zamanı gözlərini itirən ukraynalı əsgər Denis Abdulin deyir ki, mina ondan 4-5 metr aralıda partlayıb: "Arxamda 4-5 metr aralıda mina partladı. Beş əsgər birdən yerə yıxıldıq. Huşumu itirmədim, hər şeyi xatırlayıram, necə zirzəmiyə sürükləndiyimi də. Başıma nəsə dəyəndən sonra gözlərimdən sanki od çıxdı. Ondan sonra dərhal anladım ki, gözsüz qalmışam".

Əsgərlər onlar üçün yaradılan düşərgələrdə şəhərdə rahat gəzməyi, öz yeməklərini hazırlamağı və ictimai nəqliyyatdan istifadə etməyi öyrənirlər.

2014-cü ildə Rusiya Krımı ilhaq edəndən sonra düşərgənin sahibi “Modern Sight” QHT-nin icraçı direktoru Olesya Perepeçenko ön cəbhədə döyüşmək arzusunda idi. Olesyanın orduya qoşulmaq istəyi rədd edildiyi üçün o, görmə qabiliyyətini itirmiş əsgərlərə azadlıq hissini yaşatmağa başlayıb: “Məqsədimiz onları dəyişdirmək deyil, bu əsgərlərə müstəqil olmaq şansı verməkdir”.

Məlumat üçün bildirək ki, belə düşərgələrin təşkili təxminən 15.000 avroya başa gəlir.