Rusiya-Ukrayna müharibəsinin sonlanması istiqamətində müəyyən irəliləyişlərin olduğu bildirilir
Yeniliklərdən dərhal xəbərdar olun
Rusiya Prezidentinin köməkçisi Yuri Uşakov Ukraynadakı münaqişənin sona çatması istiqamətində müəyyən irəliləyişin olduğunu bildirib.
O bunu “Vesti” televiziya proqramında münaqişənin başa çatma perspektivləri ilə bağlı sualı cavablandırarkən deyib.
“Münaqişənin həllinə nə dərəcədə yaxınlaşdığımızı bilmirəm, lakin proses bu istiqamətdə gedir”, – deyə Yuri Uşakov qeyd edib.
Onun fikrincə, Rusiya, ABŞ və Ukrayna arasında üçtərəfli danışıqların növbəti raundu noyabrın 10-dan sonra Əbu-Dabidə keçirilə bilər. Danışıqların Əbu-Dabi və Cenevrədə keçirilmiş əvvəlki görüşlərdə olduğu kimi, ekspertlər səviyyəsində aparılması nəzərdə tutulur.
Rusiya nümayəndə heyətinin tərkibi hələ müəyyənləşdirilməyib. Əvvəlki danışıqlarda Rusiya Prezidentinin köməkçisi Vladimir Medinski, Baş Qərargahın Baş İdarəsinin rəisi İqor Kostyukov və xarici işlər nazirinin müavini Mixail Qaluzin iştirak ediblər.
Y.Uşakovun sözlərinə görə, qarşıdakı danışıqların əsas mövzusu münaqişə başa çatdıqdan sonra Rusiya və Ukraynanın təhlükəsizliyinin təmin edilməsi məsələləri olacaq.
#Yuri Uşakov teqi istifadə olunub
- Uşakov Avropanın iştirakı məsələsinin hələ razılaşdırılmadığını bildirib
- Putinin köməkçisi açıqladı | Rusiya və ABŞ liderləri hansı məsələləri müzakirə edəcək? - Baku TV
- Rusiya-ABŞ-Ukrayna üçtərəfli görüşü ilə bağlı açıqlama
- Rusiya Prezidentinin köməkçisi Putin–Paşinyan görüşü məsələsinə aydınlıq gətirib
- "Ermənistan hələ də "iki stulda oturmağa" davam edir" | Uşakovdan sərt sözlər - Baku TV
