Rusiya Ukraynanı üstələdi: Qərb Zelenskinin ümidlərini belə puç etdi

“Artıq Rusiya-Ukrayna müharibəsi bitmək, Ukraynanın məğlubiyyəti etiraf edilmək üzrədir”.

Bu fikri Baku TV-nin departament rəhbəri, jurnalist Turan İbrahimov səsləndirib.

Onun sözlərinə görə, dünya mediasını izləyərkən açıq-aydın görmək olur ki, dünya ictimaiyyətini Ukraynanın kapitulyasiyasına öyrəşdirmək üçün proses gedir:  “Qısa müddətdə – bir neçə ay ərzində Ukraynanın məğlub olmamış kimi təqdim edilərək de-fakto məğlubiyyəti etiraf ediləcək”.

T.İbrahimov vurğulayıb ki, Donald Trampın hakimiyyətə gəlməsindən sonra proses bu istiqamətdə inkişaf edəcək.

Jurnalist onu da xatırladıb ki, Ukrayna müharibə başlayana kimi böyük proses keçib: “Qərb tərəfi Ukrayna prezidentlərini dəstəkləyirdi. Lakin onlardan heç biri məsələni Rusiya ilə konfliktə gətirib çıxarmadı, çünki “soyuq məntiq” buna imkan vermirdi. Bu baxımdan məhz Zelenski kimi təcrübəsiz birini hakimiyyətə gətirib qısa müddətdən sonra müharibənin başlamasına səbəb olanlar öz hədəflərinə çatdılar”.