Rusiya Ukraynanın daha iki məntəqəsini nəzarətə götürdü - Baku TV

Rusiya Ordusu Donetsk vilayətinin Dibrova və Sumı vilayətinin Miropolskoe yaşayış məntəqələrini nəzarətə götürüb.

Bu barədə Rusiya Müdafiə Nazirliyi məlumat yayıb.

Qurumun rəsmi nümayəndəsi İqor Konaşenkovun sözlərinə görə, xüsusi əməliyyatın başladığı gündən indiyə qədər qarşı tərəfin 671 təyyarəsi, 284 helikopteri, 133 128 PUA-sı, 654 zenit-raket kompleksi, 28 803 tank və digər zirehli texnikası sıradan çıxarılıb. Bundan başqa, 1698 reaktiv yaylım atəş sistemi, 34 382 artilleriya və minaatan, 59 45 xüsusi hərbi avtomobil texnikası məhv edilib.

Bu arada, Ukrayna Prezidenti Volodimir Zelenski ABŞ-nin NATO-dan çıxması ehtimalını şərh edib. O bildirib ki, Ukrayna və Türkiyə olmadan Avropa hərbi güc baxımından Rusiya ilə müqayisə edilə bilməz.

“Böyük Britaniya, Ukrayna, Türkiyə və Norveç – bunlar Avropanın bir hissəsi olan dörd güclü ölkədir. Böyük Britaniya, Ukrayna və Türkiyənin Ordusu birlikdə Rusiya Ordusundan daha güclüdür. Ukrayna və Türkiyə olmadan Avropa Rusiya ilə müqayisə edilə bilməz. Bu dörd ölkə ilə dənizlərə nəzarət etmək, səmanı qorumaq və ən böyük quru qüvvələrinə sahib olmaq olar”, – deyə Zelenski əlavə edib.